wind_cyc_super_nov2017_ita_320x50

ਮੋਗਾ ਪੁਲਿਸ ਵੱਲੋਂ ਮੋਟਰ ਸਾਈਕਲ ਚੋਰ ਗਰੋਹ ਦੇ ਛੇ ਵਿਅਕਤੀ ਕਾਬੂ-ਵੀਡੀਓ ਖ਼ਬਰ – ਪੰਜਾਬ ਐਕਸਪ੍ਰੈਸ TV

ਤੀਹ ਮੋਟਰ ਸਾਈਕਲ, ਇੱਕ ਟਰੱਕ, ਇੱਕ ਪਿਸਟਲ ਅਤੇ ਹਥਿਆਰ ਬਰਾਮਦ

ਮੋਗਾ, 28 ਅਗਸਤ (ਕਸ਼ਿਸ਼ ਸਿੰਗਲਾ) – ਮੋਗਾ ਪੁਲਿਸ ਨੇ ਮੋਟਰ ਸਾਈਕਲ ਚੋਰੀ ਕੇ ਉਨ੍ਹਾਂ ਨੂੰ ਚੋਰੀ ਦੇ ਟਰੱਕ ਵਿਚ ਲੱਦ ਕੇ ਵੇਚਣ ਜਾ ਰਹੇ ਮੋਟਰ ਸਾਈਕਲ ਚੋਰ ਗਰੋਹ ਦੇ ਛੇ ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ। ਪੁਲਿਸ ਨੇ ਕਾਬੂ ਕੀਤੇ ਗਏ ਵਿਅਕਤੀਆਂ ਕੋਲੋਂ ਚੋਰੀ ਦੇ ਤੀਹ ਮੋਟਰ ਸਾਈਕਲ, ਇੱਕ ਪਿਸਟਲ, ਮੋਟਰ ਸਾਈਕਲਾਂ ਦੀ 23 ਆਰ ਸੀ ਅਤੇ ਕੁਝ ਤੇਜਧਾਰ ਹਥਿਆਰ ਬਰਾਮਦ ਕੀਤੇ ਹਨ। ਇਸ ਮਾਮਲੇ ਦਾ ਖੁਲਾਸਾ ਫਿਰੋਜਪੁਰ ਰੇਂਜ ਦੇ ਡੀ ਆਈ ਜੀ ਪਰਮਜੀਤ ਸਿੰਘ ਉਮਰਾਨੰਗਲ ਨੇ ਮੋਗਾ ਵਿਚ ਇੱਕ ਸੰਪਾਦਕ ਗੱਲਬਾਤ ਦੇ ਦੌਰਾਨ ਕੀਤਾ। ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਉਮਰਾਨੰਗਲ ਨੇ ਦੱਸਿਆ ਕਿ, ਪੁਲਿਸ ਦੁਆਰਾ ਕਾਬੂ ਕੀਤੇ ਗਏ ਇਹ ਲੋਕ ਵਿਭਿੰਨ ਬ੍ਰਾਡਾਂ ਦੇ ਤੀਹ ਮੋਟਰ ਸਾਈਕਲਾਂ ਨੂੰ ਚੋਰੀ ਦੇ ਇੱਕ ਟਰੱਕ ਵਿਚ ਲੱਦ ਕੇ ਵੇਚਣ ਜਾ ਰਹੇ ਸਨ। ਉਮਰਾਨੰਗਲ ਨੇ ਦੱਸਿਆ ਕਿ, ਇਨ੍ਹਾਂ ਕੋਲੋਂ ਚੋਰੀ ਦੇ ਮੋਟਰ ਸਾਈਕਲ ਅਤੇ ਇੱਕ ਟਰੱਕ ਦੇ ਇਲਾਵਾ ਇੱਕ ਪਿਸਟਲ, ਮੋਟਰ ਸਾਈਕਲਾਂ ਦੀ 23 ਆਰ ਸੀ ਅਤੇ ਕੁਝ ਤੇਜਧਾਰ ਹਥਿਆਰ ਬਰਾਮਦ ਕੀਤੇ ਗਏ ਹਨ। ਉਨ੍ਹਾਂ ਨੇ ਕਿਹਾ ਕਿ, ਅਗਲੀ ਜਾਂਚ ਦੌਰਾਨ ਇਨ੍ਹਾਂ ਵਿਅਕਤੀਆਂ ਤੋਂ ਕਈ ਅਹਿਮ ਖੁਲਾਸੇ ਹੋਣ ਦੀ ਉਮੀਦ ਹੈ।