wind_cyc_super_india_marzo2017_ing_728x90

ਸ਼ਰਨਾਰਥੀਆਂ ਨੇ ਪੋਪ ਲਗਾਈ ਮਦਦ ਦੀ ਗੁਹਾਰ

ਲੇਸਬਸ (ਗਰੀਸ) 15 ਅਪ੍ਰੈਲ (ਬਿਊਰੋ) – ਗਰੀਸ ਦੇ ਇੱਕ ਸ਼ਰਨਾਰਥੀ ਕੈਂਪ ਵਿੱਚ ਮਾਹੌਲ ਉਸ ਸਮੇਂ ਬਹੁਤ ਭਾਵਪੂਰਣ ਹੋ ਗਿਆ ਜਦੋਂ ਉੱਥੇ ਇਸਾਈਆਂ ਦੇ ਧਰਮ ਗੁਰੂ ਪੋਪ ਫਰਾਂਸਿਸ

ਪੁੱਜੇ। ਸ਼ਰਨਾਰਥੀ ਮਹਿਲਾ, ਪੁਰਸ਼ਾਂ ਅਤੇ ਬੱਚਿਆਂ ਨੇ ਰੋਂਦੇ ਹੋਏ ਪੋਪ ਦੇ ਪੈਰ ਫੜ ਲਏ ਅਤੇ ਉਨ੍ਹਾਂ ਦੇ ਹੱਥ ਚੁੰਮਦੇ ਹੋਏ ਮਦਦ ਦੀ ਗੁਹਾਰ ਲਗਾਉਣ ਲੱਗੇ। ਇਹ ਸ਼ਰਨਾਰਥੀ ਪੱਛਮ ਏਸ਼ੀਆ ਦੇ ਦੇਸ਼ਾਂ ਤੋਂ ਯੂਰਪ ਵਿੱਚ ਆਏ ਹੋਏ ਹਨ ਅਤੇ ਹੁਣ ਇਹ ਮੋਰਿਆ ਦੇ ਕੈਂਪ ਵਿੱਚ ਰਹਿ ਰਹੇ ਹਨ। 
ਲੋਹੇ ਦੇ ਪਾਇਪ ਨਾਲ ਤਿਆਰ ਬੈਰੀਅਰ ਦੇ ਪਿੱਛੇ ਖੜੇ ਕਰੀਬ ਤਿੰਨ ਹਜਾਰ ਸ਼ਰਨਾਰਥੀ ਲਗਾਤਾਰ ਆਪਣੀ ਹਾਲਤ ਵਿੱਚ ਸੁਧਾਰ ਦੀ ਮੰਗ ਕਰਦੇ ਹੋਏ ਫਰੀਡਮ-ਫਰੀਡਮ ਦੇ ਨਾਹਰੇ ਲਗਾਉਂਦੇ ਰਹੇ। ਹਾਲ ਹੀ ਵਿੱਚ ਯੂਰਪੀ ਸੰਘ ਦੁਆਰਾ ਲਏ ਗਏ ਫ਼ੈਸਲੇ ਦੇ ਅਨੁਸਾਰ ਇਨ੍ਹਾਂ ਸ਼ਰਣਾਰਥੀਆਂ ਨੂੰ ਤੁਰਕੀ ਅਤੇ ਵਾਪਸ ਉਨ੍ਹਾਂ ਦੇ ਦੇਸ਼ ਭੇਜਿਆ ਜਾਣਾ ਹੈ। ਇੱਕ ਅਨੁਮਾਨ ਦੇ ਅਨੁਸਾਰ ਇਰਾਕ, ਸੀਰੀਆ, ਲੀਬੀਆ ਆਦਿ ਦੇਸ਼ਾਂ ਦੇ ਹਾਲਾਤ ਵਿਗੜਨ ‘ਤੇ ਸੰਨ 2015 ਦੀ ਸ਼ੁਰੁਆਤ ਤੋਂ ਹੁਣ ਤੱਕ ਕਰੀਬ ਦਸ ਲੱਖ ਸ਼ਰਨਾਰਥੀ ਯੂਰਪ ਵਿੱਚ ਆ ਚੁੱਕੇ ਹਨ। 
ਇਸਦੇ ਚੱਲਦੇ ਕਈ ਦੇਸ਼ਾਂ ਵਿੱਚ ਕਾਨੂੰਨ ਵਿਅਸਥਾ ਅਤੇ ਵਾਤਾਵਰਣ ਦੀਆਂ ਸਮੱਸਿਆਵਾਂ ਪੈਦਾ ਹੋ ਗਈਆਂ ਹਨ। ਇਸਤੋਂ ਪਹਿਲਾਂ ਗਰੀਕ ਟੈਲੀਵਿਯਨ ਨੇ ਦੱਸਿਆ ਸੀ ਕਿ, ਪੋਪ ਫਰਾਂਸਿਸ ਦਸ ਸ਼ਰਨਾਰਥੀਆਂ ਨੂੰ ਆਪਣੇ ਨਾਲ ਵੈਟੀਕਨ ਲੈ ਜਾਣ ਦੀ ਯੋਜਨਾ ਬਣਾਏ ਹੋਏ ਸਨ, ਇਹਨਾਂ ਵਿਚੋਂ ਅੱਠ ਸੀਰੀਆ ਦੇ ਸਨ। ਇਨ੍ਹਾਂ ਨੂੰ ਉਹ ਭਗਵਾਨ ਦਾ ਉਪਹਾਰ ਮੰਨ ਰਹੇ ਸਨ, ਪ੍ਰੰਤੂ ਬਾਅਦ ਵਿਚ ਵੈਟਿਕਨ ਦੇ ਬੁਲਾਰੇ ਨੇ ਇਸ ਟੀਵੀ ਰਿਪੋਰਟ ਉੱਤੇ ਕੋਈ ਪ੍ਰਤੀਕਿਰਿਆ ਦੇਣ ਤੋਂ ਮਨ੍ਹਾ ਕਰ ਦਿੱਤਾ ਹੈ।